Category Archives: ശാസ്ത്രസാങ്കേതികവിദ്യ

ഋതുക്കളും ഭൂമിയുടെ അച്ചുതണ്ടിന്റെ ചെരിവും

സ്വിറ്റ്സര്‍ലാന്റില്‍ താമസം തുടങ്ങിയിട്ട് മാസം നാലായി. ഞാന്‍ ഈ ബ്ലോഗിന്റെ പടി കണ്ടിട്ട് അതിലും കൂടുതല്‍ കാലമായി. ഇവിടെ ഇപ്പോള്‍ തണുപ്പുകാലമാണ്. കോഴിക്കോടായിരുന്നപ്പോള്‍ താപനില 19 ഡിഗ്രി സെല്‍ഷ്യസില്‍ താഴ്ന്നാല്‍ ഞാന്‍ തണുത്തു വിറച്ച് പുതച്ചുകിടക്കുമായിരുന്നു, കാന്‍പൂര്‍ എത്തിയപ്പോള്‍ ആ തണുപ്പൊന്നും പ്രശ്നമല്ലാതായി. കാന്‍പൂരിലെ തണുപ്പും ഇനി കാര്യമായി എടുക്കേണ്ടി വരാത്ത അവസ്ഥയിലാണ് ഇപ്പോള്‍ ഇവിടത്തെ കാര്യം. “കഹാനി അഭി ഭീ ബാകീ ഹേ ഭായ്” എന്നാണ് ലാബില്‍ കൂടെയുള്ളവര്‍ പറയുന്നത്, ഡിസംബര്‍-ജനുവരി ആകുമ്പോഴേക്ക് എന്നെ വീട്ടിലേക്ക് പാഴ്സല്‍ അയക്കേണ്ട ഗതി വരാതിരുന്നാല്‍ മതിയായിരുന്നു. ഇതെന്താണ് വടക്കോട്ട് ചെല്ലും തോറും തണുപ്പുകാലം ഇങ്ങനെ കടുത്തതാകുന്നത്? സൂര്യനു ചുറ്റുമുള്ള ഭൂമിയുടെ പരിക്രമണവും ഭൂമിയുടെ അച്ചുതണ്ടിന്റെ ചെരിവുമാണ് ഋതുക്കള്‍ക്ക് കാരണമാകുന്നതെന്ന് സ്കൂളില്‍ പഠിക്കുന്നതാണല്ലോ. ഈ ആശയമുപയോഗിച്ച് അത്ര കഠിനമല്ലാത്ത കണക്കുകൂട്ടലുകളിലൂടെ അക്ഷാംശവും ഋതുക്കളും തമ്മിലുള്ള ബന്ധം മനസ്സിലാക്കാന്‍ ശ്രമിക്കുകയാണ് ഈ പോസ്റ്റിന്റെ ലക്ഷ്യം. Continue reading ഋതുക്കളും ഭൂമിയുടെ അച്ചുതണ്ടിന്റെ ചെരിവും

Advertisements

ചന്ദ്രഗ്രഹണത്തിന്റെ ദൈര്‍ഘ്യം കണക്കുകൂട്ടാം

അങ്ങനെ ഞാനും ഒരു പൂര്‍ണ്ണഗ്രഹണം കണ്ടു. ഇതിന് പത്തിരുപത് കൊല്ലമെടുത്തു എന്നത് ജിവിതത്തിലെ ഒരു ട്രാജഡിയായി തോന്നുന്നു. ഏതായാലും ഗ്രഹണസംബന്ധിയായ ഒരു പോസ്റ്റിട്ട് ആഘോഷിച്ചേക്കാം എന്നു വിചാരിച്ചു 🙂

ജ്യോതിശാസ്ത്രപ്രതിഭാസങ്ങള്‍ കുട്ടികള്‍ക്കും മുതിര്‍ന്നവര്‍ക്കും ഒരുപോലെ അദ്ഭുതജനകമാണ്. എങ്കിലും ഇവയൊന്നും മാജിക്കല്ല. മിക്ക ജ്യോതിശാസ്ത്രപ്രതിഭാസങ്ങളെക്കുറിച്ചും (പ്രത്യേകിച്ച് സൗരയൂഥത്തിനുള്ളില്‍ നടക്കുന്നവയെക്കുറിച്ച്)  നമുക്ക് നല്ല ധാരണയുണ്ട്. ലളിതമായ ധാരണകള്‍ മാത്രമുപയോഗിച്ച് ചന്ദ്രഗ്രഹണത്തിന്റെ ഏകദേശദൈര്‍ഘ്യം കണക്കുകൂട്ടുന്നതെങ്ങനെയെന്ന് നോക്കാം.

Continue reading ചന്ദ്രഗ്രഹണത്തിന്റെ ദൈര്‍ഘ്യം കണക്കുകൂട്ടാം

ആദ്യപ്രണയം

സ്കൂളില്‍ പഠിക്കുമ്പോഴാണ് അവളെ ആദ്യമായി കാണുന്നത്. പരിചയപ്പെടുക, അത്രയേ ഉണ്ടായിരുന്നുള്ളൂ. എന്നാല്‍ കാലം എന്നെ അപ്രതീക്ഷിതമായി അവളിലേക്ക് വലിച്ചടുപ്പിക്കുകയാണുണ്ടായത്. അവളെക്കുറിച്ച് കൂടുതലറിയാനായതോടെ ആകര്‍ഷണം പ്രണയത്തിന് വഴിമാറി. പിന്നെ ഒന്നും എന്റെ വരുതിയിലായിരുന്നില്ല. സമൂഹം ഞങ്ങളുടെ ബന്ധത്തെ അവിഹിതം എന്ന പേരിലാണ് വിശേഷിപ്പിച്ചത്, എങ്കിലും എന്റെ വിശ്വാസസംഹിതയനുസരിച്ച് എനിക്കിതൊരു തെറ്റായി ഒരിക്കലും തോന്നിയില്ല. രഹസ്യമാക്കി വയ്ക്കേണ്ടിയിരുന്ന ഈ ബന്ധത്തെക്കുറിച്ച് ഞാന്‍ സുഹൃദ്സദസ്സുകളില്‍ ഒരു ചെറുപുഞ്ചിരിയോടെ വാചാലനായി. Continue reading ആദ്യപ്രണയം

പോള്‍ നീരാളിയും സ്റ്റാറ്റിസ്റ്റിക്സും

പോള്‍പോള്‍
കടപ്പാട് : Tilla
ഉറവിടം : വിക്കിമീഡീയ കോമണ്‍സ്
ലൈസന്‍സ് : cc-by-sa-3.0

ഫുട്ബോള്‍ എന്നൊരു സാധനം ഉണ്ട് എന്നറിയാവുന്ന ലോകത്തിന്റെ വലിയൊരു ഭാഗത്തിലും ഇപ്പോള്‍ പോളാണ് താരം. മൂപ്പരുടെ പ്രവചനങ്ങള്‍ 50 ശതമാനത്തില്‍ കൂടുതല്‍ ശരിയാകുന്നതിലാണ് മാലോകര്‍ക്ക് അദ്ഭുതം – 83 ശതമാനമാണ് പോളിന്റെ വിജയശതമാനം. എന്നാല്‍ ഇത് എത്രത്തോളം അവിശ്വസിനീയമാണ്? Continue reading പോള്‍ നീരാളിയും സ്റ്റാറ്റിസ്റ്റിക്സും

ആണ്ടിമണ്ണുണ്ണി

എന്നുവച്ചാല്‍ അഞ്ചുപൈസക്ക് വിവരമില്ലാത്തയാള്‍. അനിയന്‍ വല്ല മണ്ടത്തരവും കാണിക്കുമ്പോള്‍ “അഞ്ചീസക്ക് വിവരല്ല്യാത്ത ആണ്ടിമണ്ണുണ്ണി” എന്ന് പുനരുക്തിയോടെ പറയാന്‍ ഉപയോഗിക്കും.

ആദ്യം തന്നെ പറഞ്ഞേക്കാം, ഈ പോസ്റ്റും പോസ്റ്റിന്റെ തലക്കെട്ടും ആണ്ടിയെയോ മണ്ണിനെയോ മണ്ണുണ്ണികളെയോ എന്നെയോ എന്റെ അനിയനെയോ യാതൊരുവിധത്തിലും അവഹേളിക്കാന്‍ ഉദ്ദേശിച്ചുള്ളതല്ല. ആര്‍ക്കെങ്കിലും കേസാക്കണമെന്ന് തോന്നുന്നുണ്ടെങ്കില്‍ അതിനുമുമ്പ് ഒരു കുറിപ്പിട്ടാല്‍ ഞാന്‍ തന്നെ പേര് മാറ്റിക്കൊള്ളാം.

Continue reading ആണ്ടിമണ്ണുണ്ണി

ഡീബഗ്ഗിങ്ങ്

മുന്നറിയിപ്പ് : ഈ പോസ്റ്റിന്റെ ചില ഭാഗങ്ങള്‍ മനസ്സിലാകണമെങ്കില്‍ അല്പം ലോകവിവരം വേണ്ടിവരും. ലിങ്കുകള്‍ വായിക്കുക. മനസ്സിലാകുന്നില്ലെങ്കില്‍ വിട്ടേക്കുക.

രണ്ടുമൂന്ന് മാസമായി ഈ വഴിക്ക് വന്നിട്ട്.
ആഗ്രഹമില്ലാഞ്ഞിട്ടല്ല – വല്ലാത്ത തിരക്കായിരുന്നു.
ജീവിതം ലാവിഷായി നായ നക്കിക്കൊണ്ടുമിരിക്കുന്നു.

Continue reading ഡീബഗ്ഗിങ്ങ്

വേവ് ഷോളിങ്ങ് വീഡിയോ

വേവ് ഷോളിങ്ങ് പ്രതിഭാസത്തിന്റെ വീഡിയോ ഇതാ

മുൻ പോസ്റ്റിൽ പറഞ്ഞ ടാങ്കാണ് വീഡിയോയിൽ. ഏതാണ്ട് അഞ്ചടിയോളം നീളമുള്ള ഭാഗമാണ് കാണിച്ചിരിക്കുന്നത്. പച്ചവെള്ളം നിറച്ച ശേഷം രണ്ടുതുള്ളി സ്റ്റാമ്പ് പാഡ് ഇങ്ക് ചേർത്തപ്പോഴേക്കും ഇപ്പരുവത്തിലായി (സൈഡ് ഇഫക്റ്റായി ഇങ്ക് തൊട്ട ആളും നീല കണ്ഠൻ, കരൻ, പാദൻ ഒക്കെ ആയി). ടാങ്ക് ചരിച്ചുവച്ചതിനാൽ ഇടതുവശത്ത് ആഴം കൂടുതലാണ്. അവിടെ ഒന്നിളക്കി തരംഗങ്ങൾ പുറപ്പെടുവിക്കുന്നു. പ്രതിഫലനം, വിഭംഗനം ഒക്കെക്കഴിഞ്ഞ് ഒരൊന്നൊന്നര അടി സഞ്ചരിക്കുമ്പോഴേക്കും പ്ലേൻ വേവുകൾക്ക് സമാനമായി തരംഗപൾസുകൾ മാറുന്നു. തീരത്തോടടുക്കുമ്പോഴേക്കും തരംഗങ്ങളുടെ ആയതി വർദ്ധിക്കുന്നതും തരംഗദൈർഘ്യം കുറയുന്നതും കാണാം. വേഗത കുറയുന്നത് കാണണമെങ്കിൽ ഫ്രെയിം ഓരോന്നും എടുത്ത് അനലൈസ് ചെയ്യണം (ചെയ്തു നോക്കാൻ ആഗ്രഹമുണ്ടെങ്കിൽ നല്ലകാര്യം. പക്ഷെ പ്രാന്ത് പിടിക്കുന്ന ഏർപ്പാടാണ്. ഞാൻ പറഞ്ഞീലാന്നാവരുത്)