Category Archives: കാക്കക്കൂട്

മഴവര്‍ണ്ണങ്ങള്‍

ചിത്രം വരയ്ക്കുന്നത് മനുഷ്യനല്ല, ദൈവമാണ്.

നിറക്കൂട്ടുകളിലൊളിച്ചിരിക്കുന്ന വിസ്മയങ്ങളെ എനിക്ക് തുറന്നുകാട്ടിത്തരുമ്പോള്‍ പണ്ടെപ്പൊഴോ സിസ്റ്ററമ്മ പറഞ്ഞതാണ്. ഏറെ കാലമെടുത്തു എനിക്കാ ബോധ്യം വരാന്‍, തന്റെ ബ്രഷിന്റെ ചലനങ്ങള്‍ക്ക് ഒരിക്കലും ചിത്രകാരന്‍ ഉത്തരവാദിയല്ല. ചായം മുക്കിയ ബ്രഷുമായി എന്റെ കൈകള്‍ ചലിക്കുന്നത് മറ്റാരുടെയോ ഇംഗിതമനുസരിച്ചാണ്. എന്റെ ക്യാന്‍വാസില്‍ വര്‍ണ്ണങ്ങള്‍ വിരിയുന്നത് നിങ്ങളെപ്പോലെ അദ്ഭുതത്തോടെയേ എനിക്കും നോക്കിക്കാണാന്‍ സാധിക്കുകയുള്ളൂ. ഒടുവില്‍ ഏറ്റവും സുന്ദരമായ ഒരു ചിത്രം ജനിച്ചാലും അതിനെക്കുറിച്ച് സന്തോഷിക്കാനല്ലാതെ അഭിമാനിക്കാന്‍ എനിക്കാവില്ല.

ശാന്തമായ ഈ കടല്‍ത്തീരത്ത് ഇന്ന് ഞാന്‍ വന്നിരിക്കുന്നത് മഴയുടെ ചിത്രം വരയ്ക്കാനാണ്. എങ്കിലും വരച്ചുതീരുമ്പൊഴേക്കും അത് മറ്റെന്തൊക്കെയോ ആയിമാറുമെന്ന് എനിക്കറിയാം.

മഴയുടെ നിറമെന്താണ്?

Continue reading മഴവര്‍ണ്ണങ്ങള്‍

Advertisements

ഓര്‍മ്മയിലെ ഓണം

വീണ്ടും ഒരോണക്കാലം.

വീട്ടില്‍ ഓണമാഘോഷിക്കാറില്ല. പിന്നെന്തൊക്കെയാണ് ഓണത്തെക്കുറിച്ചുള്ള ഓര്‍മ്മകള്‍?

Continue reading ഓര്‍മ്മയിലെ ഓണം

നീതിദേവത

കാത്തിരിക്കാനാവശ്യപ്പെട്ട്
അര്‍ദ്ധരാത്രിക്ക് പിരിഞ്ഞുപോയവര്‍
ഒരു യുഗം കഴിഞ്ഞ് തിരിച്ചെത്തി
വിഷം നിറഞ്ഞ എന്റെ
എല്ലുകള്‍ തോണ്ടിയെടുത്തു

ഉറങ്ങിക്കിടക്കുകയായിരുന്ന എന്നെ
മുഖത്തെന്തോ കുടഞ്ഞുണര്‍ത്തി
ശ്വസിക്കാന്‍ പണിപ്പെട്ട്
ഉള്ളും പുറവും നീറി
ഞാന്‍ എഴുന്നേറ്റുനിന്നു

വികലമായ കൈകള്‍ കൊണ്ട്
പൊള്ളുന്ന സൂര്യനെ ഞാന്‍
കണ്ണില്‍ നിന്നകറ്റി
രക്ഷപ്പെടാന്‍ ശ്രമിക്കാഞ്ഞിട്ടും
അവരെന്നെ ചങ്ങലയ്ക്കിട്ടു

നാറുന്ന തെരുവുകളിലൂടെ വലിച്ചിഴച്ച്
മാറാലനിറഞ്ഞ ഒരു മുറിയിലേക്ക്
അവരെന്നെ കൊണ്ടുപോയി
ഇത്തിരിവെട്ടത്തില്‍ ഞാന്‍
എനിക്കുചുറ്റും മുഖങ്ങളെ പരതി

അവരെന്നെ സ്വതന്ത്രനാക്കി
മേലാകെ വെള്ളപൂശി
വെള്ളവസ്ത്രം ധരിപ്പിച്ചു
കൈകളില്‍ തുരുമ്പിച്ച ഒരു വാളും
ഒരു തുലാസും വെച്ചുതന്നു

പിന്നെയൊരു കറുത്ത തുണികൊണ്ട്
അവരെന്റെ കണ്ണുകള്‍ മൂടി
ഇപ്പോള്‍ വീണ്ടും വിഷപ്പുക മണക്കുന്നു
എനിക്കൊന്നും കാണാനാകുന്നില്ലല്ലോ
എന്തൊക്കെയാണ് ഇവിടെ നടക്കുന്നത്?

പിന്‍കുറിപ്പ് : ഞാനും എന്റെ കൂട്ടുകാരും ചേര്‍ന്ന് ഭോപാല്‍ വിഷയമാക്കി കവിതകളെഴുതി ഒരുമിച്ച് പ്രസിദ്ധീകരിക്കാന്‍ തീരുമാനിച്ചതിന്റെ ഭാഗമാണിത്. “സീരീസിലെ” മറ്റ് കവിതകള്‍ : പ്രവീണ്‍, നത (ഇംഗ്ലീഷാണ്). ഈ കവിതയെ ഭീകരമായി കൊന്ന് കൊലവിളിച്ച ഒരു തര്‍ജ്ജമ ഇവിടെക്കാണാം. കാവ്യയുടെയും ശ്രീജിത്തിന്റെയും പോസ്റ്റുകളും കാണുക.